Niche likhe hue aksariyat se puche jane wale sawal dekh lein, fir bhi agar koi sawal hai ya order related koi support chahiye to hamari WhatsApp Support Team se contact karein. Number niche hai.
For English, Click Here
Founder, Forever Muslim
“Assalamualaikum. Forever Muslim ki buniyad maine ek aisa brand establish karne ke liye dali hai jo mainstream brands ke sath shoulder to shoulder khada ho sake aur jiske products Muslim Identity ko ehance karein aur mainstream me normalise karein, taki Muslim identity ko lekar jo negative perception hai usko toda ja sake aur sath hi Muslims proud feel kar sakein ki apna bhi ek brand hai jo Nike, Adidas jaise brands ko takkar de sake. Ye ham akele nahi kar sakte, is mission ko pura karne me apka bahut bada role hoga.
Hamare is vision ko supprt karne ke liye main apka tahe dil se shukrguzar hun, ummid hai apke sath lambe waqfe ka wasta rahega in sha Allah.
Hamari website www.forevermuslim.in ek WebApp hi hai, website kholne par apko “Add to HomeScreen” ka popup nazar aega, uspar click karein to hamara offline WebApp apke phone me save ho jaega jiske zariye ap kabhi bhi hamare store ko access kar sakte hain.
Ham Delhi based hain, lekin hamare products Tirupur aur Chennai se process hoke apke ghar tak Deliver hote hain. Kuch popular designs Delhi me bhi available ho sakti hain.
Ji haan, Cash on Delivery (COD) available to hai.
Rahi bat baki payment options ki to ham Credit/Debit Cards, Netbanking, NEFT, UPI, Wallet, PhonePe/Paytm/Gpay/AmazonPay/Bhim UPI har tarah ki payment accept karte hain aur ye sare options apko checkout karte waqt mil jaenge.
Hamare sare products Premium Quality ke hain aur market leading companies ke barabar ki quality provide karte hain. Sari T-Shirts 100% Cotton aur 180GSM quality ki hain.
Home Delivery India me almost hara jagah available hai, popular products 5-6 din me deliver ho jaenge aur baki products me 12-15 din lag sakta hai.
Hamein pura bharosa hai ki apko hamare product ki quality beinteha pasand aegi, per kinhi andekhi wjah se koi pareshani ya quality me koi issue hua to please hamein email ya whatsapp ke zariye ittela kar dein, ham puri koshish karenge apko satisfied wapas bhejein taki ap dubara ake order karna pasand karein.
Ek bar order place hone ke bad ap 24 ghante ke andar order cancel kar sakte hain, lekin agar is darmiyan apka order print ho chuka hai ya pack ho chuka hai to cancel kar pana mshkil hoga
Galat size order karne pe return possible nahi hai, please order karne se pahle T-Shirt ka size chart zarur dekh lein. Size chart dekhne bad bhi agar size me pareshani hui to hamein bataen in sha Allah ham apko unsatisfied wapas nahi bhejenge.
Step 1: Custom Arabic Section me jaen, Click Here
Step 2: Apne pasand ki tshirt, hoodie, ya accessory select karein.
Step 3: Final Product page pe jane ke bad apko size aur color ke sath name enter karne ka option milega. Sari details bharne ke bad Buy Now ka button select karein, ek se zada item mangane ke liye Add to Cart par click karein.
Step 4: 24 ghante ke andar hamari designing team se koi ek banda apke order ko kam se kam 14 different alag alag fonts aur 4 alag alag styles me apke whatsapp number per share karega.
Step 5: Apko jo design pasand aega wo hamein bata dein.
Step 6: Apke pasand kiye hue design ko apke confirm hone ke 5-6 din ke andar nayi t-shirt pe print karke hamare end pe courier ko handover ho jaega.
Still have a Question?
Support subah 10 baje se lekar sham ke 5 baje tak available hai, uske beyond ham call aur chat ka response nahi de paenge. JazakAllahu Khairan for understanding.